王菲相隔七年再現身春晚 凍齡仙氣獻唱特別單曲

每年中央電視台春節晚會都會為觀眾帶嚟驚喜，而今年嘅舞台就出現一位大家渴望多時，希望再聽到佢天籟之音嘅 王菲 出現。
王菲驚喜現身春晚。
着上珍珠白色晚裝，配以淡紅耳環及All Back髮型嘅王菲，喺台上獻唱特別為春晚製作嘅全新單曲《世界贈予我的》，歌曲以「當我們以溫柔的眼光審視這個世界時，世界也會以同樣的真誠，回應生命中每一個探尋，贈予我們無盡的溫暖與美好。」為理念，寓意「攬世間溫柔，以深情回敬。感恩歲月賜予，每一刻都值得細細珍藏」。容貌及狀態絲毫無歲月留痕嘅王菲獻唱完作品後，就向鏡頭鞠躬致意。

王菲為歌迷帶嚟新歌。
今次經已係王菲第五度參與春晚演出，之前四次分別是1998年獻唱《相約九八》、2010年獻唱《傳奇》、2012年獻唱《因為愛情》以及七年前於2018獻唱《歲月》。王菲今次現身央視春晚，亦令大家期待佢會否現身謝霆鋒於4月時假啟德主場館舉行嘅演唱會擔任嘉賓。
王菲五度參與春晚演出。王菲演唱完向觀眾鞠躬。