2025風生水起｜薛家燕遇老拍檔開年笑唔停 曹永廉李思捷羨慕鍾翠詩獲43萬大獎

新晉五人男團Hey Brother四位成員李思捷、麥長青、曹永廉、唐文龍呢日作客《2025風生水起》，同薛家燕Nancy、堪輿學家李丞責食開年飯。四位嘉賓在場話題不斷，令呢餐飯特別喜慶熱鬧，家燕姐更加笑到停唔到口，話基本上幾位係佢老拍檔，之後即改口話唔係老，應該係好拍檔。麥包同阿廉就把握機遇，向丞丞師傅詢問前程。
新晉五人男團Hey Brother呢日作客《2025風生水起》。
大家想新年行好運，麥包熱情邀請TVB娛樂新聞台新主播鍾翠詩（Tracy）測前程，當佢哋知道Tracy中咗台慶43萬大奬時即好大反應，阿廉話做咗幾十年都抽唔中，思捷反問知唔知要拍幾多套劇先有43萬？Tracy鴻運當頭真係令周邊嘅人好羨慕，丞丞師傅建議佢要同有緣人分享。另外，今個農曆新年，Hey Brother就獲邀到大馬開騷，同當地粉絲一齊熱熱鬧鬧咁過年。
男團Hey Brother 同家燕姐、丞丞師傅一齊食開年飯。