陳靜唔擔心被長輩催婚以事業為重 林襄分享求財秘訣供養金雞招財

陳靜（DaDa）同林襄呢日作客TVB娛樂新聞台節目分享過年計劃，由於二人平時工作好忙，佢哋都趁難得嘅假期陪伴家人，林襄就抽時間放空休息，多啲補眠。

DaDa以前就返上海陪外公同外婆過新年，但而家兩老都不在，佢就用大部時間陪媽咪及家人，一齊行吓花市買桃花，催旺姻緣或人緣都可以買桃花樹，林襄對買桃花習俗好有興趣，DaDa仲提佢唔可以買假桃花，買假桃花就會遇到爛桃花。

林襄同陳靜早前分享佢哋嘅過年假期生活
林襄每年除夕夜團圓食年夜飯，初二回娘家，林襄分享個人求財小秘訣，指自己會相約朋友去指南宮去拜拜求小金雞，金雞被視為帶財運及幸運嘅象徵，要拜拜問神明可唔可以給一隻金雞先可以領回家，供養金雞招財，每年帶金雞擺設回去繞一下香爐。
來自台灣嘅林襄仲分享佢嘅金雞求財秘技

DaDa坦言唔太擔心被長輩催婚，仲想繼續努力工作，亦要睇緣份，DaDa笑指家人一早已放棄；林襄話屋企人比較隨性，自己年紀仲細，爸媽唔會想叫佢趕快結婚，反而佢個大妹已經結婚，已經有孫仔玩，所以佢冇結婚壓力。