正義女神Themis丨佘詩曼孖譚耀文蛇年開工 感恩兩人又一次完美合作

新劇《正義女神Themis》喺農曆新年前完成喺深圳嘅拍攝，一眾台前幕後都放假同家人朋友歡度新歲。不過踏入年初四， 佘詩曼 同 譚耀文 就已分別喺社交平台分享開工合照，兩人着住行政裝束嘅戲服喺中環街頭自拍留念，而身後就有一大隊幕後同事準備拍攝工作。

過完年開工唔一定係初四咁嘅樣，睇阿佘同阿譚幾開心就知喇

佢哋相隔多年後，今次再合作新劇《正義女神Themis》
今次係兩人相隔20年再度合作，對上一次合作經已係劇集《無名天使3D》，相隔多年再遇，阿佘就寫上「美麗嘅重遇，動人嘅故事，自如嘅對手，用心嘅演出，幸運嘅我，又一次完美嘅合作！」而阿譚就喺自己嘅社交平台帖文寫上「我只想對你說： I‘m so lucky to have you（我好幸運能遇見妳）。」兩人簡單寫上合作感受，更令觀眾熱切期待欣賞佢哋之間嘅火花。

而上次合作《無名天使3D》，已經係2004年嘅事喇

當年郭羨妮都有演出，阿譚同兩人仲先後有感情線