敏之杏兒山聰新年飯聚 星二代逗利是賞煙花笑口常開

農曆新年唔少藝人都留港度歲，好似胡杏兒、陳敏之、陳山聰以及佘詩曼等，日前就應金牌監製劉家豪嘅邀請，一齊食飯睇煙花，大人可以聚首一堂，而佢哋小朋友亦可以盡情逗利是，兼近距離欣賞歷時23分鐘嘅煙花匯演，梗係個個都笑口常開啦。

呢晚飯局一眾星二代齊齊現身

長期周圍飛嘅阿佘亦有參與

仲有靚太嘅老公們

喺熣燦嘅煙花前，敏之同杏兒都把握機會，拉埋囝囝同老公一齊合照留念，而敏之亦喺IG上載咗一張山聰單手托起囝囝Jaco嘅相片，著住黑色皮褲仔嘅Jaco，雄赳赳嘅英姿，真係同爸爸一樣咁有型呀。

山聰單身舉起Jaco，有如醒獅一樣咁威水又有型