圈中藝人迎新歲｜陳凱琳鄭嘉穎三代同堂曬幸福 洪永城幫女兒變臉全部Sir face

踏入蛇年迎新歲，農曆年期間大家享受家庭樂，圈中好多藝人趁住呢個佳節同屋企人團圓歡聚，喺社交平台滿載紅噹噹嘅全家褔溫情洋溢。當中好似陳凱琳Grace同老公鄭嘉穎、陳山聰Joel夫婦，仲有譚俊彥Shaun夫婦更係三代同堂幸福美滿。

陳豪曬一家五口幸福家庭照。

陳豪呢位廿四孝老竇仲花時間陪小朋友玩Board game。
視后龔嘉欣Katy亦有到訪Grace家中作客，一齊團年，面對住Grace嘅三位公子全程流露住心心眼，喺不同嘅合照中見Grace同嘉穎亦乘機曬恩愛。而陳豪Moses同陳茵媺Aimee就享受親子樂，同小朋友玩紙牌遊戲。喺洪永城Tony上載嘅全家福裡面，其中一張佢鬼馬咁將兩女兒嘅樣子key上大女sir face嘅樣，仲要自然度爆燈，驟睇相都充滿樂趣及喜感。

洪永城上載3張全家福。其中一張佢鬼馬咁將兩女兒嘅樣子key上大女sir face嘅樣。
林盛斌Bob、周吉佩、高鈞賢及趙雅芝等亦分別喺自己社交平台上載幸福家庭照，吳業坤則同日籍太太濱口愛子就選擇帶埋愛寵喺郊外打個卡行大運。

陳凱琳同老公鄭嘉穎全家褔溫情洋溢。視后龔嘉欣Katy亦有到訪Grace家中作客，一齊團年。吳業坤同日籍太太濱口愛子郊外打個卡行大運。周吉佩一家紅噹噹應節。

陳山聰曬三代同堂照幸福美滿。譚俊彥亦有曬三代同堂，充滿喜慶歡欣。圈中出名「多仔公」林盛斌一家六口出動去拜年。趙雅芝兩公婆孖兒子黃愷傑一齊影相。高鈞賢曬出同老婆及囡囡高子琳（Liona）嘅合照。