眾藝人熱鬧錄影特備節目迎金蛇 B哥哥墨寶多人爭笑稱開檔搵零用

下個星期就係農曆新年，呢日 鍾鎮濤 譚俊彥 周奕瑋 陸浩明 汪明荃 何沛珈 鍾柔美 詹天文 肥媽 同中聲家族嘅 周吉佩 顏米羔 羅啟豪 支嚳儀 陳俞霏 同幾位應屆港姐 倪樂琳 梁嘉莹 仲有 楊梓瑤 齊齊錄影《新春保良迎金蛇》，大家都以喜慶打扮出現。

B哥哥唔止為節目獻唱，仲指墨寶非常受大家歡迎
B哥哥於節目為大家獻唱過往嘅劇集金曲，今次首次獻唱，佢就希望大家都抱正面態度訓接新一年喇。寫得一手好字嘅佢，每年都獲唔少朋友求墨寶，呢日佢仲笑言可以考慮開檔題字搵茶錢喎。

Shaun就會同胡定欣合唱，佢仲話希望可以同一班老友一樣，有機會開騷為大家正式獻唱彈姑他咁話喎。Yumi同Windy亦都為大家跳唱青春又活力，不過花樣少女就對體態非常重視，Windy最近仲話自己肥咗3kg，所以要Keep Fit迎接新年唔同美食呀。露腰嘅Yumi雖然Fit爆，不過就被家人勸告要忍口，佢亦都不時跳舞當運動呀。
Shaun話希望有機會可以同老友一樣開騷為大家獻唱

充滿青春氣息嘅Yumi同Windy亦有參與錄影

雖然中聲家族過年會各自忙碌，不過吉吉就指會抽時間同老友見面喇，呢日帶埋囝囝出現嘅佢，仲父子裝同台玩遊戲喇。米羔就會出埠避年登台，Venus就打算籌備中聲團拜，真係聽到都覺得熱鬧呀。

一眾中聲家族成員新年將各有各忙