TVB派員參與百萬行高層襄善舉 梁嘉莹家姐美貌驚艷力勸參選

TVB不時都會派員參與百萬行共襄善舉，呢日逾50位同事亦不畏早晨寒風，齊齊熱血參與，多位高層亦一齊出席支持。4位應屆港姐 倪樂琳 梁嘉莹 楊梓瑤 王汛文 今年首次參加，佢哋就特別興奮喇，其中梁嘉莹嘅家姐早前於網上Post出姊妹合照，美貌同樣令人驚艷，Emily就指有叫家姐參選，不過就因為對方比較怕醜而未有報名喇。
TVB大隊繼續傳統參與公益金百萬行

Emily嘅姐姐同佢一樣都係美女

至於洪永城太太早前公開細女Beryl面部貼上紗布嘅圖片，呢日Tony就親自解畫囡囡只係接受完激光治療左眼嘅血管痣，並非開刀，大家唔使擔心喇。
Tony解釋指囡囡只係接受瀲光治療而非開刀

呢日中聲家族嘅多位成員亦有參與，而劉威煌就指好快就會同龍婷有合作表演，而黃劍文亦有唔少演出，吳大強亦都話想同幾位合唱呀。

幾位中聲家族成員亦有參與善舉
《愛．回家》嘅成員一向親密，最近佢哋就為劉丹同張景淳慶祝生日，同時又收到新加入嘅姚焯菲歌迷嘅美食應援，呢日古佩玲就大讚Chantel又Sweet又乖女喇。

Chantel新加入《愛．回家》即被讚又Sweet又乖