中聲唱將現身客家春晚 龍婷聽賀年歌要靠超市播？

《中年好聲音》嘅幾位唱將周吉佩、羅啟豪、李佳同龍婷等齊齊為客家春晚錄影，佢哋將會同來自大灣區嘅歌手合作獻唱賀年歌，唔講唔知，原來吉吉嘅阿婆阿公係客家人，佢仲即場騷咗幾句客家話，而平時靠超市播嘅賀年歌嚟增加自己賀年歌庫存量嘅龍婷，就話呢次會唱一首佢未曾喺超市聽過嘅賀年歌。
中聲唱將為客家春晚錄影。
踏入新一年，Ramon同佳佳喺音樂上都有新計劃，Ramon預告將推出個人第二首單曲，而佳佳好快會舉行小型爵士音樂會，原來佢本身好鍾意爵士樂。
李佳同羅啟豪嚟緊喺音樂上都有新搞作。羅天宇 周志康
羅天宇同周志康呢晚就會負責食鼎爺炮製嘅客家美食，阿康本身係客家人，過年屋企都會煮客家年菜，而天宇每年過年都會上阿康屋企大擦一餐，阿康仲大爆天宇平時食嘢好節制，不過面對客家年菜就完全冇辦法抗拒。
李家鼎倪樂琳 楊梓瑤
兩位港姐倪樂琳同楊梓瑤呢日就會做鼎爺嘅小幫手，如果你以為佢哋廚藝精湛咁就錯啦！Amina話自己最多只係整下甜品，Ellyn就話自己淨係識煮公仔麵添。
張德蘭
至於好耐冇見嘅張德蘭、陳浩德同馮浩華（華D）就會獻唱助興。
華D馮浩華 陳浩德