張景淳劉丹獲愛回家劇組慶祝生日姚焯菲融入熊家齊齊切蛋糕

TVB處境劇《愛·回家之開心速遞》出名有愛，每逢有劇組演員生日，大家會一齊喺11廠切蛋糕慶祝，而今次就輪到其中兩位一月壽星熊家大家長劉丹，以及熊家女婿「龔燁」張景淳啦！

《愛‧回家》一月壽星有熊家大家長劉丹，以及熊家女婿「龔燁」張景淳！
張景淳17號喺社交平台post咗多張慶祝生日相，除咗兩位壽星，仲有幾位熊家成員包括呂慧儀、單立文、周嘉洛、古佩玲，以及一眾幕後工作人員，現場唔單只有蛋糕，仲有好多壽包，眾人圍繞住兩位壽星切蛋糕，氣氛溫馨又熱鬧。

每逢有劇組演員生日，大家會一齊喺11廠切蛋糕慶祝。
相中最大亮點就係見到啱啱加入《愛‧回家》大家庭嘅Chantel姚焯菲，見Chantel著住衛衣打扮休閒，估計應該係劇中造型，Chantel喺合照中企正C位，張張相都傍住丹爺，唔知係咪代表佢喺熊家有不一般嘅地位呢？

相中最大亮點就係見到啱啱加入《愛‧回家》大家庭嘅Chantel。
張景淳喺post中寫到「熊家一月很多人生日，今日係丹爺和我的農曆生辰。謝謝熊家和蟹買蛋糕和壽桃為我們慶祝。還有歡迎最新成員Chantel第一次同我哋一起熱熱鬧鬧地過11廠生日切餅tradition！」

張景淳指1月17號係丹爺同佢農曆生辰，感謝熊家同長腳蟹呂慧儀買蛋糕同壽桃慶祝。

Chantel第一次喺11廠同大家熱熱鬧鬧過生日切餅tradition！
同劇組演員慶祝完農曆生日，23正日生日嘅張景淳周末仲會舉行佢入行咁多年嘅首個粉絲見面會，同大家一齊慶祝44歲生日。我哋亦預祝張景淳生日快樂！演藝事業蒸蒸日上！
張景淳周末仲會舉行佢入行咁多年嘅首個粉絲見面會。