《痞子無間道》官方預告片釋出 多場戲向《無間道》經典場面致敬

由周嘉洛、陳瀅、朱敏瀚及JW王灝兒主演嘅古裝喜劇《痞子無間道》，官方平台喺元旦日同觀眾拜年，兼預告劇集將會好快播出後，16號官方平台再釋出預告片，唔少痞子迷睇完都留言話超級期待呀！
周嘉洛繼喺《痞子殿下》入面露股後，今次喺《痞子無間道》中再犧牲色相！
《痞子無間道》延續《痞子殿下》嘅搞笑食字同向唔同經典場面致敬嘅精神，今次喺《痞子無間道》預告片入面，有唔少場面都係向《無間道》致敬，好似喺朝廷受訓嘅周嘉洛，畀上司曹永廉派去一將宮城做細作，當嘉洛離開時回眸嗰個鏡頭，就同《無間道》入面梁朝偉同余文樂回眸嗰個片段一樣。
陳瀅 同 JW
另外一幕曹永廉喺高空墮下壓落一頂停泊喺路邊嘅轎，而嘉洛剛好喺頂轎旁邊，呢場戲就好似電影中黃秋生同梁朝偉呢個卧底見完面後墮樓嘅一幕相似。
朱敏瀚都有出浴鏡頭！