萬千星輝頒獎典禮｜見證姊妹龔嘉欣首封視后 陳凱琳出借老公獎座喜極而泣

龔嘉欣 於《萬千星輝頒獎兼禮2024》，以《企業強人》中方芳嘅演出，入行十多年以來首度榮登最佳女主角寶座。Katy於台上多謝公司給予機會同工作人員協助嘅同時，亦花唔少筆墨感謝身邊一直支持自己嘅好友。

龔嘉欣於《企業強人》扮演方芳一角而成為應屆新科視后

上台領獎時喊到梨花帶雨
而同佢感情極之深厚嘅 陳凱琳 ，原來亦喺屋企一直留意戰況，事前更借出老公 鄭嘉穎 當年以《天幕下的戀人》同《怒火街頭》兩度奪得視帝嘅兩個珍貴獎座予嘉欣，鼓勵Katy同沾喜氣，估唔到真係令佢夢想成真。當電視直播公佈結果，嘉欣如願得獎時，Grace更高興到高16度尖叫，更興奮感動落淚，事後亦公開呢個背後小故事。
好友陳凱琳早前原來曾借出嘉穎嘅視帝獎座打氣鼓勵

結果Katy真係得到自己嘅視后獎座

Grace指：「Carlos 兩歲生日嘅時候，我哋貪玩攞咗（KC)個獎嚟同你影相🥹希望預祝你喺頒獎典禮可以夢想成真！」而新科視后Katy亦回覆好姊妹話：「Thanks for everything!!! So blessed to have you in my life , love you and the boyssss !!!! ❤️」

Grace真係夠晒老友