林峯攜愛妻張馨月去堂妹林夏薇豪宅聚餐 陳豪姚瑩瑩現身許紹雄屋企團拜

林夏薇同有米老公莫贊生（Jason）家住山頂獨立屋豪宅，大年初二邀請好友去家中作客，朝早有洪永城、梁諾妍、胡定欣、趙希洛、劉愷威及陳山聰等去團拜，薇薇又宴客招待堂哥林峯、堂嫂張馨月及《黑色月光》拍檔馬志威等一齊聚餐，開心食盆菜嘆靚酒。

薇薇宴客招待堂哥林峯、堂嫂張馨月及《黑色月光》拍檔馬志威等一齊聚餐。
薇薇喺社交網上載多張合照，見佢身穿迷你裙大騷白滑美腿，而山聰未知係咪因之前工作忙碌，喺薇薇屋企瞓咗覺，影大合照嗰陣只係見山聰瞓咗喺梳化；而馬志威喺社交平台分享合照，感謝薇薇招待：「很高興認識到大家。打直入去打斜走。」可見眾人飲飽食醉，玩得非常盡興。

山聰未知係咪因之前工作忙碌，喺薇薇屋企瞓咗覺。
薇薇堂哥林峯同老婆張馨月恩愛到場，見佢攬住愛妻影合照，不過網民留意到張馨月身形有啲大隻，未知係咪心廣體胖，而企佢隔籬嘅定欣就被讚又瘦又靚。

薇薇喺社交網上載多張合照，見佢身穿迷你裙大騷白滑美腿。
此外，一向圈中人緣佳嘅許紹雄（Benz雄）亦有陳豪、陳茵媺、姚瑩瑩及關禮傑等好友約埋一齊團拜，陳豪更一家五口出動，個個打扮得紅噹噹去拜年！

陳豪、陳茵媺、姚瑩瑩及關禮傑等好友約埋一齊去許紹雄屋企團拜。