Pandora新歌題材源自前境 MV暗藏「10月」字樣有暗示？

三人男子樂團 Pandora 踏入新年度，即推新作《痛痛快快活活去》，三位成員緊密推出新歌，除咗因為充滿靈感之外，仲因為去年底舉行第二次演唱會又推出專輯，加上數年前經歷幾乎解散嘅小風波，猶幸三人自小認識有深厚感情，終憑《風月》一曲令樂團重生出發，後來亦打入電台頒獎禮嘅我最喜愛的組合10強，令出道7年來努力嘅成果為大眾所見。

Pandora三位成員最近再推出新歌《痛痛快快活下去》
新歌《痛痛快快活活去》，由低音吉他手Anakin夢境中見到嘅一雙蝴蝶所刺激而創作，Anakin夢見兩顆蟲蛹，其一化蝶於繽紛世界流浪；雖然一直想向陪伴在側嘅蟲蛹分享世界嘅各種新奇，可惜只能以氣味留下印記，希望對方化蝶後能感受同樣嘅快樂。
新歌靈感源自Anakin嘅夢境

樂團成員對呢場無奈同時帶有希望嘅夢境都非常喜歡，歌曲完成後更覺得同Pandora經歷相似，團隊又以線「Ilıılıılıılıılıılı」模仿頻率，希望聽眾更易投入情景，感受歌曲中嘅情緒同友情連結；而歌曲MV公開後，具偵探頭腦嘅歌迷仲發現文案中出現「10月」，更估計成員係暗示一直未公開嘅專場資訊。

Fans仲喺MV當中發現一個小訊息，搞到人人偵探上身