電影泉攻略丨張繼聰阿Sa親自示範 親戚拷問反客為主指南 丨EP140

新春假期雖然話咁快就完結，不過一眾賀歲新片就會繼續為大家帶來笑聲，今集《電影泉攻略》， 王鎮泉 就邀請咗《祥賭必贏》嘅主角 張繼聰 同 蔡卓妍 一齊分享新年點樣應付姨媽姑姐三姑六婆沒完沒了嘅八卦問題，仲要去唔同親戚見面拜年嘅大家就可以參考一下喇。

而今個星期嘅新片速遞，當然唔少得兩位嘉賓演出嘅《祥賭必贏》喇，病態賭徒阿Sa同阿聰閃婚後，一心戒賭，但係朱康扮演嘅亞洲賭神就脅阿聰嘅妹妹Kayan9896，呢個時候阿Sa就被迫出手營救喇。
《祥賭必贏》

另一部賀歲片《麻雀女王追男仔》由 高海寧 呢位天生麻雀狂同科學家男友 馬國明 嘅愛情故事展開，超迷打牌同至憎人打牌嘅一對，加上高Ling細佬妹同戀人間，竟然暗藏一個驚天大秘密。
《麻雀女王追男仔》

鉅作《封神第二部：戰火西岐》亦喺賀歲檔上映，承接上一集繼續以目不暇給嘅特技呈現神話當中嘅強大場景，殷商大軍誓要攻入西岐，西岐守軍就獲眾人出手相助防衛力保家園同封神榜，戰事峰火連天。
《封神第二部：戰火西岐》

人人都希望搵到《完美伴侶》，不過新片中嘅故事，身邊人係咪真係完美，定係暗中另有盤算，另一半嘅真與實，你又真係了解？
《完美伴侶》

真人版第三部曲；小朋友至愛嘅《柏靈頓：秘魯大冒險》，柏靈頓出發探訪阿姨，遍尋不獲仲穿越叢林變成一場拯救大冒險。
《柏靈頓：秘魯大冒險》

以著名小說改編嘅《射鵰英雄傳：俠之大者》，將郭靖自幼離家成為高手嘅一點一滴重新演繹，佢同黃蓉力抗外敵嘅故事，點樣令大家耳目新新呢？

《射鵰英雄傳：俠之大者》

唔少得嘅仲有《臨時決鬥》，退役冠軍拳王 古天樂 創立拳館培養職業拳擊運動員，而廣告界索女 王丹妮 無意間發現男友 陳湛文 唔止有外遇，對手仲竟然係澳門女拳王 周秀娜，為挽男友心，同決心擊敗死敵，更拜入娜姐師傅古仔門下，誓要奪回男友。各位演員幕後有幾搏打得有幾甘，製作特輯慢慢同大家分享。

《臨時決鬥》