大S突病逝演藝圈紛悼好友 年僅48歲惹各界憐惜

農曆年假一過，娛樂圈就傳出台灣女星 大S 徐熙媛 因病於日本離世嘅消息，近年轉趨低調嘅佢，年前同內地前夫 汪小菲 一刀兩斷之後，同韓國男星 具俊曄 再婚，之後不時曬恩愛，正當外界舒一口氣，以為大S幸福快樂咁生活下去之時，突然傳出噩耗。
大S與老公具俊曄阿雅
大S同妹妹小S 徐熙娣 人緣甚廣，消息傳出後令華人社會嘩然，大批圈中朋友更難以接受消息，演藝界更係一遍哀鴻，其中 劉若英 賈靜雯 林心如 陳曉東 連詩雅 何超儀 等都出Post悼念。而新年前先同大S見過面嘅 陶子 陶晶瑩 同近來轉任商界嘅 賈永婕 亦對呢個消息難以置信。
陶晶瑩發文悼念大S。
身為佢哋姊妹多年好友嘅 范瑋琪 、阿雅 亦於網上分享對大S離世嘅錐心之痛。而過往同大S合作演出電影《未來警察》嘅 劉德華，亦公開舊照緬懷當時拍檔。同樣合作過港產電影《保持通話》嘅古天樂，指對消息非常震驚、不能言語。至於喺片中扮演佢細佬嘅 陳家樂 ，就大讚大S係專業嘅好演員。

柴智屏黃曉明

黃曉明發文悼念好友。當年同大S一齊拍攝《流星花園》嘅F4成員 朱孝天 同製作人 柴智屏 亦先後悼念，仲指當年嘅美好時光已不復返。同樣同大S合作演出過劇集嘅 黃曉明 亦指難以接受大S死訊，更指大S為人仗義，勇敢又美麗。
吳宗憲

林志玲婉拒回應
好友 林志玲 婉拒回應，不過就親自撰文紀念多年好友，認為大S為人處事令人印象深刻，期盼佢喺另一世界好好生活。而合拍經典綜藝《我猜 我猜 我猜猜》嘅 吳宗憲 ，就一面憔悴以短片懷念呢位當年鬥嘴鬥唔停嘅拍檔，憲哥直指係天妒紅顏，希望大S放下塵世嘅牽絆。
大Ｓ同前夫汪小菲。