蔡康永撰文想像大S仍在世 曾許願甘代小S陀問題BB

大S突然猝逝東京令外界震驚，而與小S共同主持《康熙來了》成為華語地區經典節目嘅 蔡康永，唔止同拍檔徐熙娣感情要好，亦同不時會代妹妹頂上替更嘅大S一樣有良好關係。噩耗傳出之後，蔡康永亦於網上悼念呢位過往好拍檔。

蔡康永同大、小S感情深厚猶如家人
佢寫道：我要想像你 仍然安好的生活著.......是，我要保持這樣的想像，直到 沒辦法再這樣想的時候。
康永哥難以接受大S突然離世人世嘅消息

《康熙來了》留低大、小S唔少經典片段，其中小S就曾提過，當年首次懷孕後產檢，報告顯示腹中胎兒可能「唔健康」，而大S竟暗自求神許願，向上天祈求如若徐家真係有唔健康嘅兒孫，自己願意成為唔健全小朋友嘅媽媽。
當年兩姊妹於《康熙》曾公開小S懷孕出問題嘅故事

其後懷有汪小菲骨肉嘅大S，懷孕期間就一直提心吊膽，非常擔心胎兒嘅健康，幸一女一子出世後都健康成長。當時兩姊妹於節目內分享往事，已經齊齊淚崩，亦可見佢哋姊姊之間嘅好感情。

大、小S兩姊妹同蔡康永之間感情深厚