StarTalk丨中村雅俊難忘初訪港獲羅文親切照顧 5月開騷精心揀港迷熟悉歌曲

日本殿堂級歌手中村雅俊呢日接受TVB娛樂新聞台節目《StarTalk》專訪，中村雅俊相隔多年再訪港，對廣東話未有生疏，亦覺得香港變化好大，佢以前搭飛機嚟香港，要穿過好多高樓大廈降落，當時從窗望出去係有啲擔心，呢次佢喺新機場降落就完全唔使擔心。中村雅俊5月將再次於香港演唱

中村雅俊喺70年代憑電視劇《前程錦繡》喺香港大受歡迎，受訪時佢即場學唱《前程錦繡》粵語版第一句歌詞，佢亦難忘當年與羅文拍MV合作點滴，讚羅文係一個好親切嘅人，中村雅俊當時係首次嚟香港，羅文好好照顧佢，中村雅俊後嚟好遺憾聽到羅文離世嘅消息。
當年同羅文合作嘅回憶仍令佢津津樂道

中村雅俊一向好錫香港歌迷，嚟緊5月喺香港開騷，佢精心挑選香港歌迷熟悉嘅歌，盼望與香港歌迷有更多共鳴，中村雅俊上年推出50周年紀念專輯，佢同監製參與製作過程做咗三首新歌，中村雅俊希望之後喺音樂方面盡量做到唔使全部靠別人，有機會製作監製音樂。
出道逾50年嘅佢，精心挑選香港歌迷特別熟悉嘅歌曲演出

此外，74歲中村雅俊狀態同身形保持良好，佢偶爾去健身同打高爾夫球，放假通常喺屋企，因年紀增長，佢亦減少飲酒。