呂慧儀湯盈盈《愛·回家》年初七派開工利是 滕麗名可愛「詐型」話豪仔偏心？

農曆新年假期話咁快完結，TVB處境劇《愛·回家之開心速遞》於年初七開始拍攝，一眾演員正式開工，按新年傳統習俗，假期結束後嘅第一日大派「開工利是」，寓意開工大吉，象徵祝福同好運，滕麗名、湯盈盈、呂慧儀、許家傑、單立文及Ma姐何芷姍等向工作人員派開工利是！

TVB處境劇《愛·回家之開心速遞》於年初七開始拍攝，一眾演員正式開工派利是。
李泳豪喺社交平台上載一條影片，記錄11廠全員熱熱鬧鬧開工嘅場面，見呂慧儀、Ma姐同湯盈盈拎住利是開心滿場飛，向各人送上新年祝福，單立文笑指自己派剩兩封，而呂慧儀就大叫好忙呀，興奮跳向豪仔派一個寫上「蟹」嘅金色利是，呂慧儀祝豪仔今年賺多啲。

阿滕就搞笑扮晒「詐型」，笑指豪仔「偏心」。
身旁嘅阿滕就搞笑扮晒「詐型」，笑指豪仔「偏心」，頭先自己派利是嗰陣，話豪仔冇拍到，點知豪仔叫佢再派，阿滕即話唔使啦，相當有喜感！

豪仔開工第一日收到嘅開工利是。