連詩雅與愛女年初一雙雙病倒 囡囡燒至40度嚇壞陳家樂

流感肆瘧，唔少人都聞感冒色變，初為人母嘅 連詩雅Shiga 喺農曆年期間亦有流感驚魂，佢喺社交平台中透露自問喺大年初一同囡囡相相發燒，當時囡囡仲一度燒到40度，嚇到佢呢位新手媽媽喊唔停，當時老公陳家樂即刻車咗佢兩母女去睇急症，好彩佢哋只係普通感冒而唔係流感。
陳家樂見老婆同囡囡都發高燒，即刻送佢哋去急症室求醫。
Shiga喺帖文中指佢同囡囡喺屋企休養咗3日，形容呢段時間就爭好似昏迷咗咁，每日起身食完藥就瞓覺，Shiga話佢同囡囡都係呢兩日先開始回魂，而呢個新年亦喺不知不覺間已經嚟到年初八：「所以話新嘅一年乜都係假，總之就身體健康，開開心心，食得瞓得，就已經好感恩。」而呢個新年Shiga話最要多謝嘅，就係一直守候喺佢同囡囡身邊嘅老公陳家樂，不辭勞苦咁照顧佢哋，成個新年邊度都冇去，好彩而家佢同囡囡都已經好返，阿囡亦精神返晒呀。
Shiga發文指同囡囡喺農曆新年期間雙雙病倒。Shiga同囡囡已經好返喇！