陳豪赴澳罕開金口獻唱吸引觀眾瘋狂影相 丁子朗快閃悉尼景點活力十足

陳豪（阿Mo）同丁子朗喺農曆新年快閃澳洲兩日，先後幫酒樓開張剪綵，同埋為一個春茗活動做嘉賓，兩位型男吸引大批澳洲劇迷前嚟支持，阿Mo同丁丁喺晚宴上仲玩夾蓮子遊戲攞個好意頭。

陳豪同丁子朗早前快閃澳洲，先後出席剪綵同春茗活動
阿Mo罕有大開金口獻唱連串歌曲，佢喺台下唱賀年歌時大受歡迎，一度被觀眾拉住唔俾阿Mo走，瘋狂影相打卡，阿Mo好開心喺春節過嚟表演，同大家打成一片，阿Mo唱歌嗰陣見到觀眾咁開心，呢個氣氛係好珍貴。
阿Mo呢次亦罕有開金口獻唱

澳洲長大嘅阿Mo已有七年冇返悉尼，相反丁丁首次到澳洲，感覺好新鮮，未出發前已充滿期待，早已做足功課快閃悉尼景點，寓工作於娛樂，阿Mo亦有推介地道美食，大讚丁丁好厲害喺短時間去咗咁多景點。

丁丁出席活動之餘，仲極速到唔同地方玩，連阿Mo都大讚佢犀利

今次仲係丁丁首次到訪當地，事前地膽阿Mo亦有教路