孖江欣燕 梅小惠玩問答互相爆料 阮兆祥封「中女氧氣筒」兼最孤寒

江欣燕、阮兆祥同梅小惠三人識於微時，喺圈中超過30年嘅情誼一直維繫至今，幾位搞笑隨和嘅性格深入民心，三人近日一齊主持翡翠台清談節目《友乜唔講得》，每集會邀請不同嘉賓好友細說往事及合作點滴，不僅暢談話當年，仲有唔少揭秘趣事喺節目上公開以及數之不盡嘅集體回憶。
江欣燕、阮兆祥同梅小惠三人識於微時
欣欣、祥仔同小惠最近為咗節目，一齊喺網上宣傳，三人共聚玩吓快問快答搞氣氛，唔覺意互相爆料。當問到三位中邊個人工最高，身邊嘅欣欣同小惠同聲指向祥仔，講到邊個最貪靚時？祥仔就口花花話：「小惠最貪靚，因為你唔靚所以要貪靚。欣欣本身都靚，貪係應該嘅。」但講到最大食嘅話題時就可圈可點，事緣祥仔有「中女氧氣筒」嘅稱號，所以當欣欣一臉正經話同祥仔拍《為食神探》時，知對方好為食時，小惠即時鬼馬咁講以為食...。

祥仔話小惠最貪靚。
而講到最實際嘅金錢問題邊個最孤寒，小惠即大爆係祥仔，因為佢助手十幾年冇加過人工，欣欣即刻話唔怪得佢助手著咁少衫啦，其時畫面顯示一位性感女助手，被踩嘅祥仔不但冇介意，更笑笑口應對：「我就係想見到佢咁﹗」
祥仔被指係最孤寒江欣燕仲話難怪祥仔助手着得咁少衫。祥仔助手示意圖。