看我今天怎麽說｜陳蕾學手語唱主題曲 金馬影后鍾雪瑩兼任填詞

黃修平執導、 游學修 鍾雪瑩 吳祉昊 主演；以香港聾人生活作題材嘅電影《看我今天怎麽說》下星期正式上映，而由 陳蕾 主唱嘅電影主題曲《What If》更邀請72位聾人同聽人以手語演繹。

新片中嘅女主角 鍾雪瑩 早前勇奪金馬影后殊榮，新片又分別獲香港電影評論學會同電影金像獎多個提名。而由佢填詞嘅主題曲MV，一開首就有兩位小演員以手語提問：「可以選 我可以選什麼？」結尾再由唔同演出 者，答到：「可以選 我選自由自在」，首尾呼應歌詞道出對自由嚮往嘅心聲 
鍾雪瑩早前已憑新片演出成為新一屆金馬影后

導演黃修平執導新片與主題曲MV，而邀請來自不同身份階層集合72位聾人同聽人參與，一同用手語於不同的生活場境，一句接一句演繹歌詞，希望體現聾健共融，主唱陳蕾更特地為今次拍攝學習手語。加上聾人舞者 王雪盈 於天台演繹手語舞，將手語歌詞融入舞步。鍾說亦喺聾人手語老師指導下，由手語角度出發，創作出 「手語專屬」歌詞。
黃修平參與導演新片與歌曲MV，同時亦係電影嘅聯合監製

主唱歌曲嘅陳蕾亦於新片客串歌手一角，MV中又同一班中學生用手語演繹歌詞，佢話：「睇過電影後被三位主演嘅演出感動，佢哋代表三種唔同信念同尊重方式，最重要係三位演員演出令人睇得投入。手語世界入面嘅言語好似超越咗語言感覺，令我更想了解佢哋嘅世界。」
有份客串嘅陳蕾亦學習手語演唱主題曲

戲中三位主角游學修、鍾雪瑩同吳祉昊Marco拍攝MV時，亦勾起拍攝新片嘅唔少回憶，一場大排檔戲份就令佢非常難忘：「我好回味大排檔食物，但嗰場戲令我感受到學手語嘅快樂；終於搵到自己所喜歡嘅嘢。」
相隔一段時間後再拍MV，勾起三位主演拍攝時嘅唔少回憶

而阿修為今次MV更重新學習手語，佢回想開拍前半年嘅時話：「因為我手指之間嘅間距好窄；所以要做一啲比較大動作手語時就會有一定難度，唔停鍛鍊仲令到手指痛。」阿雪更希望主題曲歌詞引起大家入場欣賞嘅興趣。阿修更語重心長咁話：「我覺得呢部電影唔止講聾人或者手語，而係講緊一種力量、一種共鳴感。」