文凱婷新歌推出與Hugo曖昧 貼近對望怕醜尷尬爆笑

文凱婷 嘅第二首個人單曲《曖昧博弈論》推出，呢日佢身處一個充滿懷舊味道嘅住宅拍攝MV，仲喺導演指示之下，以充滿韻味嘅姿態演出。今次拍攝仲邀請埋戰友 黃星綽 參與，兩人仲有埋身嘅對手戲，Aeren就指太貼近而非常尷尬又怕醜呀。

Aeren同Hugo拍MV有親近場面，不過佢就非常怕醜而NG喇
雖然新歌節奏強烈，不過拍攝時嘅唔同氛圍就展現出唔同味道，而製作前佢亦都有參與同投入唔少意見，佢仲話情歌都唔一定要傷心，希望同大家分享若即若離你猜我度嘅曖昧感覺咁話。
拍攝前佢都有參與唔少意見，認為情歌唔一定要慘先得

而呢日蓬蓬裙加黑絲嘅打扮亦令Aeren本人非常滿意，因為佢認為同曖昧對象見面時一定會俾心機打扮，仲會加入唔少心思，就似足歌曲表達嘅意思咁呀。

當中嘅打扮佢就覺得可以更突出歌曲感覺喇