柯佳嬿坤達相處多年如常人 傅孟柏感恩婆媳關係良好無爭執

柯佳嬿 同 劉以豪 呢日為劇集現身宣傳，佢哋同劇中其他拍檔演員，齊齊分享對婚姻嘅睇法。劇集以童話故事形式表達婚姻當中丈夫同太太各自會面對嘅唔同問題，而現實中同 坤達 成婚已久嘅柯佳嬿，就對外界認為佢嘅婚姻如同童話一樣唔太同意，認為佢哋嘅感情其實同普通人差唔多。

柯佳嬿同一眾演員呢日宣傳新劇，仲提到對感情嘅睇法
佢仲認為兩個人相處多時，要齊心面對唔同情況先會持久咁話，又話劇集新一輯同拍檔之間亦增加唔少默契。雖然有人認為婚姻係愛情嘅墳墓，不過柯佳嬿就認為愛情同婚姻係兩回事，唔一定要掛上一個等號喎。
佢亦唔認為自己同坤達嘅戀情有如童話，反而覺得就同普羅大眾一樣

傅孟柏去年升任做爸爸，呢日佢就提到屋企嘅婆媳關係冇大問題，仲話最緊要令大家都生活開心，無謂一定要選邊站，仲話好彩媽咪非常尊重佢同太太喎。

傅孟柏就指太太同媽媽相處關係非常融洽