王大陸涉偽造文書逃兵役被捕 准15萬保釋當局將發徵集令

曾參演《我的少女時代》嘅台灣男神 王大陸 ，星期二因涉嫌逃兵役同偽造文書被台北相關部門拘捕，同時搜查佢位於台北市復興南路寓所，下午移送台北地檢署助查之後，獲准以新台幣15萬保釋。當地消息指出，王大陸疑花費逾百萬偽造心臟病歷，另又有指佢於當地一科技管理學院有學籍而一直未需服役。

王大陸早上被拘捕，後移送地檢署接受調查
王大陸被捕消息一傳出，大批傳媒即趕抵地署檢採訪，而佢交保離開現場時，就被一直追問逃避服役嘅原因，神色茫然嘅佢一直不發一言，由經理人公司職員陪同下登車離開現場。
大批台灣傳媒於門外守候

近年事業重心集中於內地嘅佢，今次被捕引發各界議論紛紛，根據當地法例，年屆19歲至26歲嘅男性皆需當兵服役。而台北市兵役局，據報已將王大陸列入今年3月嘅徵集對象，預計近日就會向佢發出兵單，下達徵集令，相信佢已安排好嘅工作將大受影響。

以15萬保釋後，王大陸離開地檢署時被大批傳媒追訪