張天賦衝動消費靠購物清單改善 病倒失場培養早睡早起習慣

新一代生力軍歌手 MC張天賦 大受歡迎，而佢呢日參與一個理財活動，提到希望早日財務自由，仲話令唔少人非常頭痕嘅購物慾，對佢嚟講一樣係難題，而MC嘅處理方法，就係早早制定一份購物清單，將有需要買嘅嘢排列先後次序去分輕重喇。

MC指自己不時都會一個唔留神就被網購打敗
近年網購盛行，一個唔覺得都會衝動消費買咗先發覺唔太需要或者唔鍾意嘅物品，MC就話亂買嘢下場，最後就變成愛犬嘅玩具。
而家就會定立購物清單，等自己可以先諗一諗三思再決定

將會於深圳開騷嘅佢，早前因病致澳門演唱延期，經此一役之後令佢更在意身體狀況，最近就開始培養早睡早起嘅習慣，仲覺得規律生活後，人變得更精神，有時餓醒偷偷食宵夜，就覺得非常罪惡咁話。

早前佢病倒搞到澳門演唱要延期，之後就決定更加好好管理健康喇