五月天澳洲巡唱站獲周杰倫站台 「周五」合體掀全場高潮

搖滾天團五月天嘅25周年世界巡唱日前去澳洲站，為咗將原汁原味嘅舞台帶去當地，製作方提前兩個幾月將舞台運到當地。五子寵粉人人都知，呢次帶畀澳洲五迷嘅驚喜實在太大，就係邀請老友周杰倫（周董）做嘉賓！

周杰倫現身五月天嘅澳洲演出
周董唔只唱五月天新歌《任性》，更同佢哋唱自己嘅經典歌，而「周五」合體嘅搖滾版《稻香》讓五迷大讚別有一番新風味。
周董仲被阿信笑佢宣佈比成員更落力

「周五」友誼深厚，喺台上毫無忌諱乜都照傾，阿信感激周董為五月天落力宣傳，周董笑言一切係跟義氣有關，加上五子去年年底為自己嘅大巨蛋騷站過台，所以自己過年後第一個Job就係要做五月天嘉賓。之但係阿信就捉周董字蝨，令周董急急澄清，場面搞笑。
「周五」合體令歌迷都非常開心

五子舞台默契十分好，特別係阿信經常即興將支咪遞向Bass手瑪莎，令瑪莎久而久之練成條件反射。呢日當周董同阿信合唱《安靜》唱到最後一句，周董擺出一個型仔Pose，打算畀五迷唱最後一句時，就因為大手一揮，將支咪伸到瑪莎面前，令瑪莎下意識即刻接唱，嚇周董一跳啊！