李龍基收未婚妻3百幾封情書感心甜 盼王青霞7.7出獄重回身邊做左右手

李龍基剛完成籌備以久嘅音樂會，終於鬆一口氣，基哥自舊年因未婚妻王青霞（Chris）被控逾期居留、使用虛假文書等共7罪，被判入獄25個月，基哥都盼未婚妻重回身邊做左右手，仲話收到Chris喺獄中寫嘅3百幾封情書，呢日基哥接受電台訪問時，講起Chris都好心甜。
李龍基日前接受電台節目訪問。
基哥話未婚妻每日有寫一封書，知道基哥接受演唱會邀請，未婚妻都戥基哥好開心，而基哥坦言有啲唔開心係因Chris未能陪伴身邊，基哥讚Chris一向好幫得手，就連做道具都親力親為；基哥等未婚妻今年7月7日出獄，就可以再次有Chris幫手！
基哥透露收到未婚妻300幾封情信。