星光路上足本版｜「最佳男主持」區永權細說曲折演藝路 膽粗粗入行主持一心想識人

呢集由 潘盈慧 主持嘅《星光路上》請到最佳男主持得主 區永權 作客節目，分享演藝路上曲折經歷。觀眾認知嘅「區爸」係《東張西望》男神，主持節目為大家抱不平，但係當年佢大學畢業後，曾經喺台灣以歌手身份出道，區爸讀書時遇上著名音樂製作人徐繼宗，後來再認識歌手林一峰，經介紹之下，伙拍門面成員陳鳳，曾經計劃喺以Ｗonder4四人組合闖台灣樂壇。

歌手身份入行嘅Albert，分享當年跨海台灣出道嘅故事
區爸去台灣發展前一句國語都唔識，但係佢邊玩邊學語言，喺遊歷途中學好國語，更自爆當年常蒲辣妹咖啡室，不斷同美女交流瞬間提升語言能力。後來因為林一峰組團計劃取消，輾轉下三人組「星盒子」出道，不過遇上賣碟情況唔理想，曾經回流返香港發展試水溫，但最終反應麻麻，佢要離場決定轉行另謀生計。

出道計劃唔順利，之後佢就返港轉跑道成為主持2003年遇上新機會，有電視台開設24小時娛樂新聞頻道招募主播，區爸膽粗粗應徵，希望邊做主播邊認識行內星級老友，盼再覓機會再闖樂壇，點知令佢改變演藝嘅跑道轉職做專業主持。
當年Albert首現TVB就係參與慈善節目

後來有機會轉投TVB主持節目，更因為老友黃翠如而結識蕭正楠，兩人更不時受邀孖住表演唱歌，開拓新組合市場，好似有回歸做歌手嘅感覺。區爸更希望可以挑戰主持音樂節目，既可以同歌手Jam歌又可以同相熟嘅歌手朋友講八卦。
近年再次重拾歌手身份一展歌喉

訪問中區爸更多謝太太幫忙照顧兩個兒子，細仔Ambrose喺大約18個月大時被證實患上嚴重自閉症，佢更感恩太太細心及早發現細仔狀況，經過治療後細仔經已同普通小朋友無異，佢更希望當年公開細仔病況可以鼓勵遇到同樣問題嘅父母。

幼子年幼時發現患有自閉症，佢同太太勇敢開工，希望各界更明白其中病情