浪族闊少爺｜富家子克勤戀基層出身Sammi 周末深夜重睇青澀歌王歌后

翡翠台星期六、日深夜正重播 李克勤 同 鄭秀文 主演嘅《浪族闊少爺》，當年出道短短數年嘅克勤，於劇中扮演抗拒家族高壓管理嘅富家少爺 蔣傑 ，同基層出身嘅設計畢業生Sammi(劇中亦叫Sammi)偶遇又譜出一段感情。

克勤為脫離古板家人控制而自立生活，期間遇到唔少難題

遇上施敏之後終於了解到人生有真正意義(網上圖片)
早已參演過《不再少年時》、《淘氣雙子星》仲有《同居三人組》嘅克勤，同首次拍劇嘅Sammi扮演一對。當年新晉歌手參演拍劇亦係宣傳渠道之一，唔少主題曲都會由有份參演嘅歌手演唱，而克勤亦包辦劇中嘅主題曲《代溝》同插曲《情牽一線》，而當時身為剛出道新鮮人嘅Sammi亦主唱另一插曲《醉鄉》。
當年兩人都係新紮歌手，拍劇之餘同步向樂壇發展

「傑少」同「施敏」合作拍劇後成為好友，相互多次為對方擔任演唱會嘉賓，而愛好運動嘅克勤，其後更多次為TVB擔任大型運動項目好似世界盃等嘅外景主持工作，近年專注歌唱發展，仲化身為唔少音樂比賽導師。Sammi其後亦有參演數部劇集，後來主攻歌唱同電影，更成為樂壇天后同金像獎影后。
合作亦促成兩人數十載友誼，年來不時為對方擔任演唱會嘉賓

年輕初出道就認識嘅佢哋Friend到不得了

《浪族闊少爺》星期六晚 24:00 、星期日晚 23:35 翡翠台