竇靖童紐約開騷醉住唱 與同學同台實現10年前願望

王菲大女竇靖童上年開始佢嘅《狀況外》巡迴演唱會，上年10月首場上海之後，陸續去到內地多個城市巡演，北京站演出媽咪王菲仲親自到場支持愛女，近日童童唱到北美，去到洛杉磯同紐約兩大城市開騷。表演風格一向隨興嘅童童，日前喺紐約場似乎就飲大咗，喺台上興奮到不停傻笑，不過一開口無論唱功或台風都即刻穩定返，完全遺傳媽咪王菲嘅優良基因。

竇靖童巡迴演出近日舉行北美站
台下歌迷見到童童滿面通紅，問佢飲咗咩？童童搞笑話「不告訴你」，仲問台下歌迷點解唔一齊飲，搞到佢自己一個飲好尷尬，之後佢又問大家「我有太醉嗎？」粉絲回覆「沒有」，童童即刻興奮到喺台上札札跳。
今次邀請埋同學Laura一齊表演，佢仲話係一圓當年許下嘅夢想

呢晚演出嘅嘉賓Laura係童童中學同學，童童喺台上回憶起10年前佢第一齊喺美國讀書，一齊玩音樂時，曾經講笑話希望有一日可以一齊喺美國開騷，估唔到當年誇下海口嘅玩笑話竟然成真，所以呢晚嘅騷對佢地兩個來講都意義非凡，亦難怪童童全晚都keep住咁high喇！