StarTalk｜黃又南梁允瑜關東深度全駕遊 初合作已成「父女檔」好友

近年唔少人出外旅遊都會選擇自駕遊享受隨處去嘅樂趣，而日本嘅「道之駅」發展非常完善， TVB Plus 嘅節目《關東．路駅十三》就由同樣鍾意揸車嘅 黃又南 同 梁允瑜 帶大家行遍為大家打氣充電嘅各個道之駅沿途暢遊喇。

又南同Chloe一齊暢遊關東一帶嘅道之駅
又南同Chloe瓹窿瓹罅深度遊，發掘唔少平常甚少旅客會到訪之處，就連喺日本留過唔少腳毛嘅又南都話係開眼界之旅，仲搞笑話原本係「情侶姿態」拍檔，點知就成為父女之旅，期間仲不時會爭住揸車。
又南仲笑言今次係父女檔合作

Chloe被爆車上補眠時鼻鼾竟然聲如洪鐘，又南為怕大家唔信錄低公諸於世，睇嚟經過今次合作佢哋已經成為好朋友喇，之後佢又大讚對方夠晒爽快。而平時Chloe不時會大方曬身材，節目中佢亦參訪唔同秘湯一試溫泉滋味。
身材出眾嘅Chloe亦會大騷好本錢

雖然唔少人都非常喜愛日本，不過Chloe就指男友都係港男先夠同聲同氣喇，而又南仲爆正密謀於當地置業，至於會唔會搵返個Kawaii日本女朋友，佢就話順其自然唔會特別強求喇。
今次旅程會去到平時甚少旅客嘅地方遊覽

近年參與唔少電影拍攝嘅佢，因市道麻麻而開設網上影片頻道，仲話係希望可以一直維持曝光，同Keep住自己對鏡頭嘅敏銳咁話。