StarTalk｜葉童細味女性主題角色 男主角氣勢強勁要打醒精神應對

葉童同舊拍檔謝君豪相隔多年再合作電影，以女性題材出發，話題感性。呢日葉童聯同電影出品人兼聯合編劇謝淑芬一齊接受由王鎮泉主持嘅《StarTalk》訪談。謝淑芬認為葉童與劇本好有連接，接見對方後已知道角色非佢莫屬。而葉童看過呢個關於女人前半生、子女及婚姻劇本後，覺得彷彿好似隔離屋女人發生嘅故事，又或者係朋友嘅事，感覺好近，所以當再接觸個戲時好多細節都輕易掌握。
葉童與編劇謝淑芬接受《StarTalk》訪問。葉童對上一次同謝君豪合作，已經係1997年嘅事。
葉童與戲中男主角謝君豪對上已經係1997年合作嘅舞台劇，講起呢啲軼事時，葉童笑言：「我只知道佢同我合作完就變得好紅。」並大讚謝君豪嘅演技，多年後再次碰上仍然張力十足，唔使熱身好快入戲，以功力更上一層樓來形容對方，仲話：「雖然套戲係講女人為題，但男主角好勁，我都要打醒十二分精神好好應付。」
葉童
電影採用全手機拍攝，對葉童來講係一個大挑戰，佢自稱拍戲層面仍然需要進入模式，未能習慣一嚟就開機模式，但後來因應電影選擇方式，加上諗深一層，內容描述嘅家庭論理，真係要隱藏攝影機又或好似上面一個角度睇先係最貼設，故葉童就一心做好演員本份，幸好戲中嘅演員都經驗豐富，唔難掌握。