StarTalk一氣呵成版丨周潤發被莎士比亞式對白考起 王寶強被發現拍活埋戲時曾出古惑

最部一部推理懸疑電影新作，喺內地已經破31億元票房紀錄，呢個系列嘅其中幾位靈魂人物陳思誠及戴墨，就帶住佢哋新作嘅主演周潤發、王寶強、劉昊然，嚟到《StarTalk》接受主播 王鎮泉 訪問。

陳思誠坦言寫劇本時，從始至終都係打算搵發哥飾演嘅呢個代表住中國第一代僑民嘅角色，而戴墨就指發哥係佢哋嗰一代人嘅偶像，非常榮幸可以同對方合作，而喺現場拍攝時亦被對方嘅職業精精所感動，戴墨又指發哥好鍾意拍攝現場嘅氛圍，所以就算拍完自己嘅戲份，都唔會先行離開。
陳思誠直指發哥嘅角色一直不作他人選

昊然同寶強喺新戲中依舊都係一對偵探組合，不過角色就同前兩齣有啲唔同，寶強笑言可以畀大家睇到呢兩位神探喺幾代年嘅模樣。
劉昊然同王寶強於新作繼續四出偵查，今集更加入發哥演出

而演過無數次大哥角色嘅發哥，就指今次呢個由被賣豬仔後翻身成大哥嘅角色，係自己喺演藝生涯中遇到最有層次嘅老大角色。發哥喺戲中嘅對白以普通話同英文為主，佢就開拍前劇組就將啲普通話對白寫晒拼音畀佢，又特意錄音畀佢聽，至於英文對白方面，由於電影背景係喺1900年，所以引用好多莎士比亞嘅古語，發哥笑言有時睇都睇唔明，所以劇組最後就將對白改得更口語化，咁佢先睇得明。
發哥一段英語雄辯原來花大量時間準備

提到戲中發哥一場步入法庭舌戰眾外國人嘅戲份，令觀眾彷彿又見到發哥喺《上海灘》入面帥氣嘅身影，在場嘅眾人一聽到就即時自發哼起《上海灘》嘅經典音樂，令發哥都引唔住笑，之後佢仲分享嗰場戲就解會揀落西裝上場，而完咗法庭戲後換返長衫嘅原因。
佢又解釋之後換穿長衫嘅細節同原因

寶強喺戲中飾演印第安獵人，唔少觀眾都指佢毫無違和感，寶強就話當睇到自己個造型時，就有種想喊嘅衝動，覺得就好似見到真係1900年嘅自己咁。而昊然就話同寶強拍第一場戲時，一見到對方個樣就笑唔停，加上要同對方抱住碌地，所以搞到佢塊面不斷被寶強嗰兩條辮抽打。

王寶強片中嘅印弟安人扮相非常惹笑

至於講到戲中一場昊然同寶強被活埋嘅戲時，寶強喺拍攝時出「古惑」，佢就笑言估唔到咁都畀大家睇到佢嘅小心思。除此之外，寶強仲同大家分享咗佢點令戲中嘅白鴿可以乖乖咁停留喺佢頭上嘅方法。