電影泉攻略｜傳Denzel Washington將出演磁力王 奧斯卡討論AI對獎項公平性影響丨EP1

又到每個星期嘅《電影泉攻略》，主持王鎮泉帶你緊貼最新電影資訊。
王鎮泉帶你緊貼最新電影資訊
《X-Men》系列電影重啟，選角方面已經陸續有好多傳聞，其中一位幾乎可以肯定會出場嘅反派「凶兆先生」，而家傳聞將會由西班牙演員Javier Bardem擔任。至於另一位經典人物「磁力王」，雖然未知會喺邊套Marvel
電影中出現，但最近傳到似層層嘅就係黑人奧斯卡影帝Denzel Washington，好大機會角色會出演磁力王一角。

另外今屆人圍奧斯卡10項提名嘅電影《粗獷派建築師》，最近佢嘅剪接師喺訪問中竟然爆料話電影後期用咗AI技術修正演員嘅對白，即刻引起熱烈討論，最大爭議就在於經AI修正之後，衍生出演員是否靠真本事嘅公平性問題。據知奧斯卡影藝學院正在積極研究，報名電影以後是否需要主動提供使用AI技術嘅證明，相信好快會有定案。
《美國隊長4：勇敢新世界》
本週嘅新片速遞有《美國隊長4：勇敢新世界》，講述正式接任美國隊長身分嘅Sam，同新當選美國雷霆勞士總統會面後，發現自己被捲入一場牽涉巨大陰謀嘅全球危機。佢必須同時間競賽，搵出真正嘅幕後主腦以及破解背後祕密，阻止邪惡勢力，化解全球大戰世紀災難。
《BJ單身日記：我為仔狂》
《BJ單身日記：我為仔狂》，四年前Mark意外身亡，BJ幾經波折生活同心靈終於重回正軌，甚至嘗試玩交友app，仲好快被一個充滿熱情夢根嘅年輕俊男追求，另一方面又喺養子學校裡面認識咗科學老師而「有啲feel」，究竟BJ最後會做出點樣嘅選擇呢？
《唐探1900》
《唐探1900》，喺1900年嘅美國舊金山唐人街，華裔印第安獵人阿鬼同留美青年秦福誤打誤撞成為「唐人街神探」孖寶。無諗到佢地遇到一宗奇案居然會影響唐人街以至全美國華人嘅命運。而喺「唐人街大佬」白軒齡全力支持下，呢對神探孖寶要爭分奪秒搵出真相，過程中驚險萬分，同時爆發無窮歡樂。

《聽見兩個世界》，雙親失聰，令五十嵐大自細成為父母同外界溝通嘅橋樑，亦令佢喺成長中經歷無數掙扎同困惑。一邊係努力自立嘅母親，一邊係異樣嘅目光，曾經為母親翻譯嘅雙手，而家竟然憤然推開咗佢，毅然離鄉往外闖，不過母親嘅愛依然係咁堅定溫柔。割裂嘅兩個世界，要點樣重新理解彼此呢？

至於本週票房龍虎榜，節制2月12號中午，第三位《祥賭必贏》；第二位《臨時決鬥》；第一位《封神第二部：戰火西岐》。