周潤發英語對白一氣呵成獲全場演員站立鼓掌 荷里活演員尊古錫讚搭景舊金山不惜工本

《唐探1900》王寶強同劉昊然呢對最強拍檔以新角色、新人設回歸，引爆新鮮喜感，香港觀眾熟悉嘅影帝周潤發更重磅加盟，飾演唐人街堂主，電影目前喺內地票房衝破32億人民幣，喺香港上映更拿下新片開畫票房冠軍，電影不惜工本搭出整座城市，將觀眾直接帶返1900年嘅美國舊金山，令人邊睇邊讚賞劇組嘅認真。

電影不惜工本搭出整座城市，將觀眾直接帶返1900年嘅美國舊金山。
發哥最後一場喺議政大堂精彩絕倫嘅英語對白，不少人睇完被發哥演技打動，更大讚發哥呢場戲嘅氣勢無可匹敵；發哥表演可謂極具感染力，發哥為咗呢場戲準備咗好耐，拍攝當日發哥台詞、走位、情感全部一氣呵成。發哥現場拍完之後，全場來自15個國家嘅外籍演員都被發哥演技震撼，站起身鼓掌。

發哥最後一場喺議政大堂精彩絕倫嘅英語對白，不少人睇完被發哥演技打動。
今次《唐探1900》故事發生喺1900年美國舊金山，好多觀眾以為係喺美國地方取景，事實上係喺內地將整個戲中嘅舊金山重建，一比一完全按照歷史真實還原出來；動用咗超過6千人、用上7個月嘅時間，將整個舊金山城搭建，讓所有演員身陷其景，直接進入1900年的狀態，連發哥對呢個場景都表示讚嘆。

拍攝多年電影嘅荷里活演員John Cusack從來見過咁龐大製作。
拍攝多年電影嘅荷里活演員尊古錫（John Cusack）從來見過咁龐大製作：「我在美國和很多地方都拍攝過電影，我從未見過一個世界被創造得如此詳細、精緻、美麗、完美。這一切都是真實的，這部電影的製作規模太捧了。」

動用咗超過6千人、用上7個月嘅時間，將整個舊金山城搭建。