鄭秀文盼再與劉青雲結片緣 陳茂賢稱《破．地獄》加長版如同新片

多位電影人呢日現身一個電影頒獎禮，當中包括劉青雲、鄭秀文Sammi、談善言、鄭丹瑞、導演翁子光及陳茂賢等。青雲憑電影《爸爸》奪「最佳男演員」，仲係佢五度奪得呢個獎，青雲坦言呢套戲畀到佢不一樣嘅感受，佢又指去戲院謝票時除咗同現場嘅觀眾有直接交流外，亦有好多觀眾透過佢嘅朋友，發咗好多短訊畀佢分享睇完《爸爸》後嘅感受，同時又會講吓佢哋自己嘅遭遇，同睇完呢套戲後嘅釋懷，青雲指以上都係佢以前拍嘅電影較少出現嘅現象。
劉青雲 5 奪 「最佳男演員」獎。翁子光
Sammi先後憑《鍾無艷》及《流水落花》獲呢個頒獎禮頒發「最佳女演員」，呢次佢就現身擔任頒獎嘉賓，向憑《虎毒不》奪得「最佳女演員」嘅談善言頒獎。
鄭秀文
鄭秀文任頒獎嘉賓，頒發「最佳女演員」獎畀談善言。
對於可以成為頒獎嘉賓，Sammi感到榮幸之餘，佢指自己私心地好鍾意《爸爸》呢套戲，無論係電影氛圍、拍攝定演員嘅演出，佢都相當喜歡，所以自己希望將來有機會再同青雲拍戲外，亦想同翁子光合作。而青雲亦指如果有機會再同Sammi合作，相信會好好玩。
陳茂賢
陳茂賢執導嘅破億電影《破．地獄》，入選頒發禮嘅十部推薦電影之一，佢呢日就指《破．地獄》嘅加長版將於下月上映，笑言呢次同重新剪過部戲冇咩分別。