莫鎮賢邀葉振棠出山合作開騷 棠哥爆被醫生叮囑多唱當養生

莫鎮賢 早前先同一眾好友仲有《中聲》唱將開完騷，不過呢日佢就已經再為下月舉行嘅另一演出宣傳，今次仲會同 葉振棠 同埋多年老友 湯寶如 一齊演出。去年先開過封咪騷嘅棠哥，早前同 方伊琪 合作，呢次又會再上台，棠哥就指係聽醫生意見，繼續唱歌當養生活動喎。

莫鎮賢下月會再同葉振棠、湯寶如合作開騷
莫Sir指每次內地演出都會被要求獻唱《萬里長城永不倒》，發現大批歌迷都非常鍾意呢首名作，而今次演出雖然知道對方已封咪，不過都照試試邀請喇。棠哥就指家庭醫生直指想長命就不妨繼續唱，佢就當氣功強身，又笑言唯有往後唔再登上紅館咁話。
棠哥指再次上台唱歌係聽醫生吩咐

湯記原來同莫Sir一樣有極深淵源，仲大爆當年初入行英國登台，連炸彈都唔驚。而莫Sir嘅兩位「中聲」學生 李泇霖 同 陳溢光 唔止現身支持，仲分享過往相處嘅點滴，兩位高足仲話希望有機會合作咁話。

莫鎮賢嘅兩位參加過中聲學生都話希望有機會合作