五月天成首支啟德演出亞洲樂團 3場演出18號起優先訂票

去年於中環海濱舉行25週年巡迴演唱香港站嘅 五月天 ，正式宣佈今年將移師至全新開幕嘅啟德體育園主場館開辦3場演出，成為首支於啟德主場館開騷嘅亞洲樂團。

五月天正式宣佈移師啟德體育園嘅演出將於5月9至11日舉行
今次[#5525 回到那一天]展新啟航版演出，將喺5月9至11日舉行，門票3月18號起開放優先訂票，票價分別由$555至$1855共7種，公開發售日期則稍後公佈。
門票3月18日起供優先預訂

啟德體育園月初正式啟用後，英國搖滾樂團COLDPLAY同謝霆鋒將於4月率先演出，而五月天就緊接於5月喺呢個全新場地同歌迷見面，搶先成為首支於啟德主場館開唱嘅亞洲樂團，據指今次佢哋會將演出全面升級，以巨型五球舞台設計，打造震撼視覺效果，搭配頂級聲光技術，為樂迷呈現一場高規格鉅獻。
主辦單位指今次演出係全新升級嘅展新啟航版

成員仲強調指：「這次演唱會不只是回憶之旅，而是一次展新啟航。太平山下和你再乾一杯，再聚細數25年點點滴滴。」