志玲Jolin巴黎盛裝參與品牌活動 新裝突顯成熟女人味爆發

歐洲各地最近分別舉行嘅盛大時裝周活動，邀請唔少紅星參與，好似早前《我們的秘密》CP 鄺玲玲 同 Orm 就應邀到巴黎，所到之處大受歡迎，連保安都被誤傷， 阿Sa 同Yumiko 亦身處巴黎參與。而大滿貫視后 佘詩曼 a 日前亦出席咗米蘭舉行嘅品牌活動，事後更同工作室同事休假同遊充電。

林志玲於巴黎參與時裝周，亦拍攝系列靚相
而台灣美女 林志玲 同 蔡依林 亦應邀飛抵法國巴黎，出席活動之餘亦為品牌拍攝一系列靚相，其中有台灣第一名模之稱嘅Chiling，就以喱士透視高衩短裙現身，遊走於當地歷史建築，年屆50嘅志玲姐姐保養得宜風韻不減，大騷一對誇張長腿，性感神秘打扮盡騷女人味。
志玲姐姐狂騷嘅長腿

而蔡依林去年獲委任為品牌全球代言人，今再以代言人身份出席當地時裝周活動，以綠頭飾同裙現身嘅佢，配襯筆直美腿上嘅大反差橙色通花絲襪，復古味道十足，加上非常可愛嘅貓咪卡通造型手袋，將佻皮嘅少女味更加突顯。

身為品牌全球代言人嘅Jolin亦現身當地

以復古打扮出現於歷史建築留影