阿佘機場出巡公仔顯稚氣童真 飛米蘭Jetlag擔心瞓唔著

佘詩曼 早前完成新劇《正義女神Themis》拍攝，扮演裁判官律政專業人員嘅佢，會如何判案就要等劇集播出先知，不過佢再次同 譚耀文 合作就令唔少人非常期待喇。

阿佘同阿譚喺新劇中再次合作
3月阿佘就會再次化身Man姐，拍攝《新聞女王2》，不過開工之前阿佘就先飛去外地，應品牌邀請到米蘭參加時裝周活動喇。

阿佘日前現身機場準備出發，一身灰色上衣加大熱闊身褲，仲有同色系名牌手袋真係襯到絕，而手袋上仲掛住近年大熱嘅Labubu公仔，同平時角色中狠辣干煉嘅形象反差十足。
《新聞女王2》開拍前，阿佘先應邀到米蘭出席時裝周

到今日清晨，阿佘已經抵達當地，不過就算抵達酒店都未能安眠，為適應時差而死頂調節瞓覺時間，仲連講三次祈求一定要瞓得著咁話呀。

抵達當地之後仲非常擔心受Jetlag之苦