顏米羔生日被舊夥伴公開追債 火速找數後承認過失公開道歉

身兼導演同攝影師嘅 顏米羔 ，啱啱度過44歲生日就被前工作夥伴，於網上公開追討三年前嘅2萬元工資。事件曝光後，米羔立即處理，除咗公開道歉同承認自己過失，更火速找數予對方平息風波。

顏米羔近日被網上追收拖欠薪金，事後佢已快速回應同解決事件

米羔事後亦再一次喺鏡頭前公開為事件道歉，自認有唔少疏忽，又未有及時跟進，而事件亦完全係個人處理不當。
米羔亦直接於網上道歉

經歷今次事件，米羔覺得自己上咗一課，可能因為當時自己財政亦面對困難，未有切身處地顧及他人同處理。米羔表示公司對自己好好，令佢現時有能力立即解決事件。事件曝光後，米羔亦收到不少家人朋友提出幫助。 

佢出席飯局時再一次就事件向各界道歉