曾志偉宴請綜藝幕後開年飯 慰勞同事過去一年用心製作

TVB台前幕後陣容龐大，呢日節目內容營運總經理 曾志偉 ，為慰勞綜藝科嘅幕後工作人員，就筵開近20席，同同事食開年飯，加上席上一眾中聲家族成員坐陣場面熱鬧。

曾志偉宴請一眾平時默默耕耘嘅幕後同事
志偉表示等食呢餐開年飯等咗好耐，因為一月至今，各位同事都忙於工作，終於到3月份可以等到齊人，佢話過去一年見到同事們用心製作各個節目，所以想好好去答謝大家百分之一百投入用心工作態度。
佢仲話呢餐飯又過年一直到3月，終於可以安排到大家食返餐好喇

佢又話TVB會帶嚟更多精彩節目畀觀眾，唔同節目組都會繼續發揮創意，務求令觀眾大開眼界。志偉覺得TVB作為香港人最大嘅電視平台，要為香港人做節目。除咗為觀眾帶嚟衣食住行嘅資訊，踏入AI年代，綜藝同事都邀請專家到公司教授AI科技，務求創新同與時並進，佢透露計劃喺兒童節目加入AI元素，令小朋友提早接觸科技。
身為總經理嘅佢，又指會加入好似AI等新技術製作

綜藝節目方面，皇牌節目《中年好聲音》系列大受歡迎，一眾中聲家族無論去到邊都出心出力，志偉表示「中一」、「中二」喺農曆新年期間自掏腰包宴請劇組食飯，所以佢覺得自己一定要請中聲家族食飯。

一眾中聲唱將都有參與呢晚嘅盛大飯聚現場

一齊好好嘆返餐