馬主甄子丹稱培養馬匹唔容易 與江旻憓比劍打到嗍晒氣

甄子丹呢日坐住靚車登場，宣布再度為一個賽馬比賽擔任大使，子丹話因擔任賽馬大使，了解到培養馬匹背後付出嘅心血，子丹過往做過馬主，感受到要拉頭馬一啲都唔容易。
甄子丹呢日以大使身份出席活動。
子丹嘅愛匹退役前都有跑贏賽事，可惜子丹兩度因拍戲關係未能拉頭馬及影相，後嚟子丹同太太汪詩詩嚟睇另外兩場賽事，點知愛匹由尾數上嚟排第二，太太笑言叫子丹唔好再嚟，子丹跟住一直忙工作，若果隻馬唔太貴都會支持吓。子丹呢次做賽馬大使，了解多咗點樣去照顧一隻馬，近距離同馬匹接觸，睇到背後係落咗好多功夫。
甄子丹同奧運重劍金牌得主江旻憓場比劍，原來係佢提議嘅。
子丹早前為啟德體育園開幕禮擔任表演嘉賓，同奧運重劍金牌得主江旻憓比劍，原來呢場對戰係子丹有份提議，自己接受幾日秘密訓練，子丹坦言對方係高手，輸一定輸㗎啦，希望唔太丢架，嗰日打得好開心，自己打到嗍晒氣。