具俊曄手捧摯愛大S骨灰 徐家上下冒大雨送別熙媛

大S 徐熙媛 上月初於日本病逝，遺體瞬即於當地火化後，由家人帶返台灣。之後一直有傳家人會為大S舉行樹葬，後幾經討論，當地傳媒今日終直擊 具俊曄  親手捧住愛妻大S骨灰，現身台北嘅金寶山墓園，正式為大S舉行安葬儀式。

徐家為大S選定長眠於台北金寶山

身穿筆挺西裝嘅具俊曄，一早就由小S夫婦、S媽同大S一對子女汪希玥、汪希箖一同冒大雨現身墓園，身為丈夫嘅具俊曄，小心翼翼手捧骨灰，由工作人員陪同下，將大S送往最後安息地玫瑰園，整個過程耗時半小時。
同大S重聚相逢僅數年，亡妻最後一程亦由具俊曄親手負責

現場消息指，明顯消瘦嘅具俊曄難忍悲傷，一度痛哭至嘴角抽動，現場只有徐家上下現身，相信係未有向外界公開嘅家奠。
據指葬禮只有徐家人出席，未有邀請親友

一代美人從此正式謝幕永別人世，不過令人傷感嘅係，大S同汪小菲之前嘅連串官司尚未完結，S媽早前曾稱對纏繞多年嘅煩心事無意再糾纏。而分開廿年再續情緣為人稱羨嘅鴛侶，如今只剩具俊曄，亦成為各界擔憂嘅焦點。

小S於家姐出事後一直神隱處理後事