周殷廷觀濱Busking憶昔日感觸落淚 走訪學校令死念學生回頭幾攰都抵

近月走訪全港過百間唔同學校同年青人分享高低起跌嘅 周殷廷 ，呢日於時下年輕人嘅熱點觀塘海濱公園舉行Busking簽唱會，同數百一早到場嘅朋友唱歌聽音樂，仲話係聽大家意見而決定場地。

周殷廷嘅觀濱簽唱會吸引數百年青人圍觀
回想過往曾多次於鬧市唱歌被驅趕，呢日正式演出就可以話無後顧之憂喇。不過諗返呢幾年來嘅歷程，YT都一時忍唔住淚灑現場，仲剖白係因為年前只得十數觀眾，不過呢日逾400人圍觀，感受就特別深刻同感觸喇。
表演期間佢仲一度淚灑舞台

走訪學校雖然令佢疲於奔命，不過YT就話幾攰都值得，加上佢話有同學仔因為學校演出而放棄尋死，令YT更覺得幾辛苦都值得，覺得非常鼓舞。
雖然日日去唔同學校非常疲憊，不過YT就認為非常值得喇

而早前佢同Tyson Yoshi拍攝MV，更成為影片網站係熱門，呢日佢都有提到當中有部份情節非常鍾意同深刻咁話。