周柏豪廣州見Fans全場爆滿 自爆黑歷史公開舊照笑爆歌迷

周柏豪 嘅巡迴Fans見面會日前舉行廣州站，雖然當日突然有強雷雨突襲，一眾歌迷依然由各地趕抵廣州，令柏豪非常感動。呢日廣州體育館全場爆滿，柏豪選唱《簡約》開場，呢次見面會，柏豪邀請全場歌迷成為「限定家人」，舞台上設有溫馨嘅客廳、鞦韆，仲有無敵大花園，將整個「家」搬上舞台。

柏豪嘅廣州見面會逼爆全場Fans

唔少黑圖亦即場公開
柏豪呢晚唔止有求必應，仲自爆唔少黑歷史，細佬柏文就公開佢多年前嘅「靚相」，柏豪又為到場所有歌迷準備每站限定嘅「三角巾」，非常貼心。現場又舉行抽獎，抽出100幸運兒合照，而柏豪又特別為歌迷安掛一場「告白」時間，大家同柏豪一齊邊讀信邊感動到眼角泛淚。

讀信時仲感觸到眼角泛淚

舞台佈置有如係屋企一樣

呢場見面會柏豪又同現場「坐最後一排」嘅歌迷他一齊合唱情歌，之後又自彈自唱《傳聞》，緊接唱出《宏願》、《夠鐘》、《最好不過》、《我的宣言》等歌曲。演出末段，柏豪仲攬住籃球獻唱送上代表佢青春嘅新歌《12號》，佢話：「籃球係我嘅夢想、我嘅青春，你哋都係我嘅青春，謝謝！我們下一站江門站再見！」

柏豪整晚為歌迷獻唱多首歌曲