姚子羚如沐春風有新桃花 大方攬胡杏兒老公合照賀壽

胡杏兒老公李乘德（Philip）3月16號迎接52歲生日，雖然杏兒同老公未喺社交平台分享慶祝點滴，不過好友劉倩婷就發布限時動態，分享同壽星慶祝嘅開心時刻。

胡杏兒老公李乘德3月16號迎接52歲生日。
從圖中可見，杏兒同Philip一齊開心喺蛋糕前合照，蛋糕造型別出心裁，插有Philip嘅Q版公仔。倩婷就喺配文寫：「Happy Birthday Phil! As u said, 52 is about氣場！you’ve got it.」而倩婷更同王浩信、姚子羚一齊同主人家合照，大家笑得非常開心。 

子羚一臉如沐春風，攬住壽星Philip影相，就算攬住好姊妹嘅老公，亦唔怕傳出緋聞。

子羚今年2月被撞見同徐少強兒子徐偉棟單獨約會，更一齊返女方家中，疑似發展姊弟戀。子羚喺接受傳媒訪問時大讚徐偉棟係好男仔，大家有發展空間。而徐偉棟就希望大家可以畀啲空間佢同子羚彼此了解。雖然未知子羚同徐偉棟目前感情穩定。

子羚今年2月被撞見同徐少強兒子徐偉棟單獨約會，更一齊返女方家中，疑似發展姊弟戀。
見子羚一臉如沐春風，攬住壽星Philip影相，就算攬住好姊妹嘅老公，亦唔怕傳出緋聞，相信杏兒都一早知好姊妹嘅戀情，睇嚟子羚最近過得好幸福噃！