金秀賢今被公開疑半裸洗碗相證親密關係 《橫豎研究所》透露金賽綸家屬未首肯發全裸照

金秀賢與已故女星金賽綸嘅戀情震撼娛樂圈，其經理人公司於3月14號發出聲明，金秀賢一方改口風，承認曾與金賽綸相戀，唯否認與對方未成年就相戀，今日經理人公司再發聲明稱，希望能與金賽綸母親當面會談，又要求YouTube頻道停止散播同個人私生活有關內容，但今日傍晚6點《橫豎研究所》再次直播，更貼出一張金秀賢疑半裸嘅洗碗照片！

今日傍晚6點《橫豎研究所》再次直播，更貼出一張金秀賢疑半裸嘅洗碗照片！
據知金秀賢早前稱因報道正遭受極大壓力，情緒極度不安，金賽綸母親為免佢作出「極端選擇」，曾稱暫時唔畀《橫豎研究所》公開佢嘅全裸洗碗照片，而今日直播就改為公開一張疑似金秀賢疑半裸嘅背影相，相中男子上身穿著休閒衣物，下衣卻「失蹤」，只係用文字遮住臀部位置，似係力證二人親密關係，再次反駁金秀賢一方嘅說法。

據知金秀賢早前稱因報道正遭受極大壓力，情緒極度不安，金賽綸母親為免佢作出「極端選擇」，曾稱暫時唔畀《橫豎研究所》公開佢嘅全裸洗碗照片。
《橫豎研究所》主持表示今日依舊會公開「尺度較低」嘅照片，但佢強調唔係因手上冇全裸洗碗照先唔公開，而係要得到金賽綸家屬同意先最為重要。

另外一張早前披露嘅金秀賢同金賽綸嘅合照，經理人公司亦公開照片數據，以證實相片係2019年12月拍攝，兩邊各執一詞。
另外一張早前披露嘅金秀賢同金賽綸嘅合照，相中金秀賢配戴嘅帽，疑有品牌職員表示自家商品「2015年冬天開始贊助」，當時金賽綸只有15歲未成年，疑質疑金秀賢「成年才交往」說法。不過經理人公司亦公開照片數據，以證實相片係2019年12月拍攝，兩邊各執一詞。

有報道稱全智賢同金秀賢拍《來自星星的你》爆紅，盛傳全智賢有慧眼早已識穿金秀賢真面目。
此外，有報道稱全智賢同金秀賢拍《來自星星的你》爆紅，盛傳全智賢有慧眼早已識穿金秀賢真面目，全智賢當年出席宣傳活動時冷淡對待金秀賢，無視金秀賢邀請，金秀賢講到二人劇中甜蜜戲份，全智賢亦面無表情。